ژووری بازرگانی رژیمی ئێران سەبارەت بە گەمارۆخستنە سەر كاڵا ئێرانییەكان لە لایەن ژووری بازرگانی هەولێر، بەیاننامەیەكی بڵاو كردەوە و نیگەرانی خۆی لەو بارەوە نیشان داوە و وتوویەتی "زۆر نیگەرانین" لەو هەڵوێستە.
قەبارەی بازرگانیی نێوان حکومەتی ئێران و هەرێمی كوردستان، ساڵانە ٣ ملیار دۆلارە و دوای هێرشی مووشەكی ترۆریستییەكەی رژیمی ئێران بۆ سەر هەولێری پایتەختی هەرێمی كوردستان و شەهیدكردنی دوو سەرمایەداری كورد و كریستیان و منداڵێكی ١١ مانگان و ژنێكی بێ تاوان، ژووری بازرگانی هەولێر و تەنانەت خەڵكیش بە شێوەی خۆڕسكانە، گەمارۆیان خستە سەر كاڵا ئێرانییەكانیان.
