ڕۆژی چوارشەممە ٢٧ی بەفرانبار ١٤٠٢، ترۆریستە سەرکوتکەرەکانی ڕژین هەڵیان کوتاوەتە سەر ماڵی ساسان چەمانئارا و بۆ ئیدارەی ئیتلاعاتی ئیلامیان گواستەوە.
ئەم هونەرمەندە تەمەن ٣٣ ساڵە پێشتر لە لایەن لقی ٢٩ی بێدادگای بەناو ئینقلابی ڕژیم بە تۆمەتی ساختەی “كۆبوونەوە دژی ئاسایشی نەتەوەیی و و تەبلیغات دژی ڕژیم, پێنج ساڵ زیندانی بەسەردا سەپێندرا و ئەم حوکمەش لە دادگای تێهەڵچوونەوە پشتڕاستکرایەوە.
هەر لەو پەیوەندیەدا ڕۆژی سێ‌شەممە ٢٦ی بەفرانباری ١٤٠٢، دوو هاووڵاتیی خەڵكی گوندی “شاوەلە”ی سەر بە نەغەدە بە ناوەكانی "عەزیز حال‌خاڵی" و "خەلیل ڕەسووڵ‌زادە" بەبێ هیچ بەڵگەیەكی یاسایی گیراون و بۆ شوێنێكی نادیار ڕاگوێزران.
