فاتمە تەدریسی و مریەم جەلال حوسێنی، کە لە کاتی کۆبوونەوەی پەروەردەکاران و مامۆستایانی ناڕازی لە تاران گیرابوون, لەلایەن سیستەمی گەندەڵی قەزایی ڕژیمی ئاخوندی و بێدادگای بەناو ئینقلابی ڕژیم لە کەرەج, هەریەک ٦ ساڵ زیندان و دوو ساڵ دوورخستنەوەیان بەسەردا سەپێندراوە.
ئەم دوو هاووڵاتییە بەچەند تۆمەتی ساختە وەک فێڵکردن و هاندانی خەڵک بە مەبەستی تێکدانی ئەمنیەت, تەبلیغات دژی بە ڕژیم, سووکایەتیکردن بە خامنەیی و پێکهێنانی گروپێک بە ئامانجی تێکدانی ئاسایش, تۆمەتبار کراون.
ناوبراوان لە سەرەتاکانی مانگی خەرمانانی ئەمساڵ لە لایەن هێزە سەرکوتکەرەکانی ڕژیمەوە گیرابوون و لە ڕۆژی ٦ی خەرمانان بۆ زیندانی کەچۆوی شاری کەرەج گوازرانەوە و تا ئێستاش لەم زیندانەدا ماون.
