بەپێی هەواڵ و ڕاپۆرتی سەرچاوە هەواڵیەکان, ڕژیمی مرۆڤ کوژی ئاخوندی ئێران, لە ڕێگەی دەزگای گەندەڵ و جینایەتکاری قەزایی حکومەت, تەنها لە ماوەی یەک ڕۆژدا سێزدە زیندانییان لە ژێر ناوی “بەرەنگاربوونەوەی ماددەی هۆشبەر" لە سێدارە دا.
بەپێی ڕاپۆرتی سەرچاوە هەواڵیەکان, بەرەبەیانی ڕۆژی یەکشەممە ٢٤ی بەفرانباری ۱۴۰۲ی هەتاوی، لانیکەم سێزدە زیندانی لە زیندانەکانی قزڵحەسار و ناوەندی کەرەج لەسیدارە دراون کە لەم نێوەندەدا، ناوی حەوت لەو زیندانییانە بریتی لە ئەکبەر تاج، حوجەت میری، حامد نەزەری، ئەحمەد لەتیفی، و محەممەد عەلی (ناوبانگ نادیار)، هادی نەزەری و عەلی میری، پشتڕاستکراوەتەوە.
ئەم حەوت زیندانییە پێشتر لە لایەن سیستمی قەزایی گەندەڵی ڕژیمی ئاخوندی ئێرانه بە "تۆمەتی پێوەندیدار بە ماددەی هۆشبەر" حوکمی ئێعدامیان بەسەردا سەپێندرابوو.
