سێنتکام لە ڕاگەیەندراوێکدا باسی لە هێرشی حوسییەکانی یەمەن بە پشتیوانی ڕژیمی ئێران, بۆ سەر کەشتییە بازرگانییەکانی دەریای سوور و لەنێوبردنی ٢١ی پەهباد و مووشەکی ئەم گرووپە لەلایەن كەشتییە جەنگییەكانی ئەمریکا و بریتانیاوە کرد.
ڕۆژی سێشەممە ١٩ی بەفرانباری ۱۴۰۲ی هەتاوی، سێنتکام ڕایگەیاند کە ١٨ درۆنی هێرشبەری دروستکراوی ڕژیمی ئێران، دوو مووشەکی کرووزی دژە کەشتی و مووشەکێکی بالستیک کە لەلایەن حوسییەکانی یەمەنەوە بەرەو هێڵی کەشتیوانیی باشووری دەریای سوور هاویژراون، بە هەوڵی كەشتی جەنگیی دەریایی ئەمریکا و بریتانیا، داخستووه.
سێنتکام ئەم هێرشەی بە ٢٦ـەمین هێرشی حوسییەکان بۆ سەر هێڵی کەشتیوانیی بازرگانی لە ٢٨ی خەزەڵوەرەوە ناو برد.
