وەزیری دەرەوەی فەرانسە ڕۆژی شەممە ١٦ی بەفرانباری ۱۴۰۲، لە پێوەندییەکی تلفۆنی لەگەڵ حسێن ئەمیرعەبدوڵڵاهیان، داوای ڕاگرتنی چالاکیە ئاژاوەگێڕانەکانی ڕژیمی ئێران و گرووپە ملیشیاترۆریستیهکانی سەر بەو دەسەڵاتە, لە ناوچەی ڕۆژهەڵاتی ناوەڕاست کرد.
کاترین کۆلۆنا، دوای وتووێژ لەگەڵ وەزیری دەرەوەی ڕژیمی ئێران لە تۆڕی کۆمەڵایەتی ئێکس نووسیویەتی، پەیامێکی زۆر ڕوونی بە وەزیری دەرەوەی ڕژیمی ئێران داوە و وتوویەتی: مەترسیی ئاگرکەوتنەوە لە ناوچەکە هەرگیز بەم شێوەیە نەبووە؛ ڕژیمی ئێران و گرووپە نیابەتیەکانی دەبێ دەستبەجێ دەست لە کردەوە ناسەقامگیرانەکانیان هەڵبگرن.
وەزیری دەرەوەی فەرانسە باسی لەوە کردووە کە هیچکەس لە پەرەسەندنی گرژییەکان سوودمەند نابێت.
