فەرماندەیی ناوەندیی سپای ئەمریکا، سێنتكام، هێرشێکی مووشەکی بۆ سەر کەشتیەکەی کانتینربر, بەناوی مەرسك هانگژۆ ـی دانماركی ڕاگەیاند.
سێنتكام، ڕایگەیاند کە ئەم کەشتییە بە ئاڵای سەنگاپوور لە دەریای سوور ڕەت بووە و دوو كەشتی جەنگی ئەمریکی بەپەلە بۆ هاوكاری گەیشتنە ناوچەكە.
كەشتی جەنگی یو ئێس ئێس گروولی هاوكات لەگەڵ ئۆپەراسیۆنی فریاگوزاریدا دوو مووشەکی بالیستیکی دژە کەشتی حوسییەکانی خستە خوارەوە.
کۆشکی سپی پێشتر ڕایگەیاندبوو کە ڕژیمی ئێران لە پلاندانان بۆ هێرشی حوسییەکان لە دژی کەشتییە بازرگانییەکان لە دەریای سووردا بەشدارە و زانیاری دەداتە ئەم گرووپە ترۆریستییە.
