بەشداری منداڵانی نیشتمان پەروەر لە گەشتی کومیتەی منداڵانی چیای سەوزی مەریوان

گەشتی كومیتەی منداڵان و میرمنداڵانی ئەنجومەنی سەوزی چیای مەریوان بۆ قەڵای ئیمام و ناساندنی ئەم قەڵایە بە منداڵان بەڕێوەچوو.
لەم سەردانەدا چیا و کێوەکانی مەریوان و هەورامان لەوانە؛ میراجی، سوورێن، چیاکانی هەورامان، قەلەبەرد، سێ کوچکان، قاراوا، مێشەڵواز  سوڵتان ئەغزەتوو و ... هتد بە مناڵان ناسێندرا و باسیان لەسەر کرا. 
 گرینگیی شاخەکان بۆ ژیانی مرۆڤ و ئاژەڵان یەکێکی دیکە لەو باسانە بووە کە لەو سەردانەدا باس كراوە و هەروەها چۆنیەتی پاراستنی چیاکان و باسکردنی زیاتری جوغرافیای کوێستانەکان لە بەرنامەکانی دیکەی ئەم کومیتەیە بووە.