پێنج ئەندامی حەشدی شەعبی, یەکێک لەو میلیشیا ترۆریستانەی لە ڕژیمی ئیران پشتیوانییان لێدەکات لە ھێرشێکدا لە قەزای دوبزی سنووری پارێزگای کەرکوک کوژران.
ئاژانسی ڕۆیتەرز لە زاری سێ سەرچاوەی ئەمنی و عێراقییەوە بڵاویکردووەتەوە گوماندەکرێت ھێرشەکە لەلایەن ئەمریکاوە كرابێت.
ئاژانسی ھەواڵی رۆیتەرز لە سێ سەرچاوەی ئەمنی عێراقەوە بڵاویكردووەتەوە کە شەوی یەکشەممە لە باکووری کەرکوک پێنج ئەندامی گروپێکی چەکداری عێراقی كە لە لایەن حکومەتی ئێرانەوە پشتیوانی دەكرێن لە ھێرشێکی ئاسمانیدا کوژراون.
ئاژانسەکە ئاماژەی بەوەشکردووە ئەو چەکدارانە لەکاتێکدا کراونەتە ئامانج کە ئامادەکارییان کردووە بۆ ھەڵدانی مووشەك دژی ھێزەکانی ئەمریکا لە عێراق و گومان دەکرێت ھێرشەکە لەلایەن ئەمریکاوە كرابێت.
