بە بۆنەی کۆچی دوایی هونەرمەندی پێشمەرگە کاک تاهیر خەلیلی پرسەو سەرەخوشی بە خانەوادە و کەس و کار ئاشنایانی ئەو هونەرمەندە تێکۆشەرەو خەڵکی کوردستان ڕادەگەینین.
کاک تاهیر خەلیلی ویڕای ڕۆڵی بەرچاوی لە بواری سرودی نیشتمانی و نەتەوەیی موسیقا و هونەری کوردی, بەشێکی تەمەنی تەرخانی خەبات لە ڕێگەی ئازادی و ڕزگاری نەتەوەی ستەملێکراوی کورد کرد هونەرمەند کاک تاهیر خەلیلی لە ماوەی ژیانیدا سەختی و ئازاری دیی .بەڵام سەرەڕای کێشەو سەختیەکان بەردەوام بوو لە خزمەت بە هونەری کوردو سرودی نەتەوەیی و نیشتمانی.
کاک تاهیر خەلیلی تا دوا هەناسە بیری لەلای نیشمانەکەی بوو و ئاواتی ئەوە بوو کە لە ئازادیی و ڕزگاری بە دیداری خەڵک و شارو و شوێنی لە دایک بوونی شاد بێتەوە.
جارێکی دیکە بەبۆنەی کۆچی دوایی کاک تاهیر خەلیلی پرسەو سەرخۆشی خۆمان رادەگەینین و لە خودای گەورە داواکارین بە بەهەشتی بەرینی شادی بکات.
سازمانی خەبات ی کوردستانی ئیران
کومیسیۆنی ڕاگەیاندن
۵ی سەرماوەزی ۱۴۰۲ی هەتاوی
