هێرزی هالێڤی; سەرۆک ئەرکانی سپای ئیسرائیل دەڵێت، ئامادەییان دژ بە هەڕەشەکان لە دەرەوەی کەرتی غەززە وناوچەکانی دیکە هەیە و بانگەشەی ئەوەی کرد کە لە توانایاندایە بگەنە هەموو شوێنێکی ڕۆژهەڵاتی نێوەڕاست.
بەگوێرەی ڕاگەیەندراوی سپای ئیسرائیل، هالێڤی سەردانی ۱۴۰ـەمین بارەگای بنكەی فڕۆکە جەنگییەکانی ئێف ۳۵ بە ناوی "ئادیر" لە بنکەی نیڤاتیم لە باشووری ئیسرائیل كردووە.
سەرۆکی ئەرکانی سپای ئیسرائیل باسی لەوەشکردووە، کە سپای ئیسرائیل لە ٧ی ئۆكتۆبرەوە،(١٥ی ڕەزبەر)، تا ئێستا هێرشەکانیان بۆ سەر کەرتی غەززە بەردەوامە و لەو ماوەیەدا حەماس گورزی کوشندەی زۆری بەرکەوتووە.
