کچێکی تەمەن ١٠ ساڵ کە لە کۆهدەشتەوە بۆ نەشتەرگەریی چاوی چووبووە نەخۆشخانەیەکی شاری کرماشان، بەهۆی کەمتەرخەمیی پزیشکییەوە کەوتە کۆماوە.
دەوترێت باوکی بەهۆی ئەو شۆکە دەروونییەی کە بەهۆی ئەم ڕووداوەوە لێی دراوە، لە بەردەم ژووری فریاکەوتنی نەخۆشخانەکە تووشی وەستانی دڵ بووە و گیانی داوە.
تا ئێستا هیچ زانیارییەکی دروست لەسەر وردەکارییەکانی کۆمای ئەم منداڵە نییە، بەڵام بەڕێوەبەری نەخۆشخانەکە و ستافی پزیشکی دان بەوەدا دەنێن کە ئەم ڕووداوە بەهۆی کەمتەرخەمیی پزیشکییەوە ڕوویداوە.
