ئیمانوێل ماکرۆن; سەرۆک کۆماری فەرانسە بەرەبەیانی ئەمڕۆ سێشەممە ٢ی خەزەڵوەر بۆ دەربڕینی هاوسۆزیی تەواوی وڵاتەکەی لەگەڵ ئیسرائیل گەیشتە ئەو وڵاتە.
هەروەها بڕیارە لەم کۆبوونەوەیەدا ماکرۆن داوا لە دەسەڵاتدارانی ئیسرائیل بکات "خەڵکی مەدەنیی غەززە بپارێزن".
لە کاتێکدا هێرشە ئاسمانییەکانی ئیسرائیل بۆ سەر کەرتی غەززە بێ پشوو بەردەوامن و سپای ئیسرائیل خۆی بۆ دەستپێکردنی ئۆپەراسیۆنێکی زەمینیی بەرفراوان ئامادە دەکات، ژمارەی کوژراوانی فەلەستینی لە کەرتی غەززە پێنج هەزار کەسی تێپەڕاندووە.
