ئەمڕۆ چوارشەممە ۲۶ی ڕەزبەری ۱۴۰۲ی هەتاوی , لە نێوان جۆ بایدن و بنیامین نتانیاهۆ چاوپێکەوتنێک بەڕێوەچوو.
لەم دیدارەدا نێتانیاهۆ وتی که ئاستی هاوکاریی ئەمڕۆمان لەگەڵ ئەمەریکا بێوێنەیەو پێویستە جیهان یەکگرتوو بێت لە رووبەڕووبوونەوەی حەماس. ناێتانیاهۆ هەروەها وتی کە ئێمە دەزانین ئێوە هاوبەشی ئیرادەمانن بۆ گەڕانەوەی ئەو هاووڵاتییانەی لەلایەن حەماسەوە ڕفێندراون, سەردانەکەتان یەکەم سەردانی سەرۆکێکی ئەمەریکایە لە سەردەمی جەنگدا بۆ ئیسرائیل و ئێمە بەم سەردانە دڵخۆشین. جۆ بایدن لە جوابی قسەکانی نێتانیاهۆ وتی: هاتمە ئیسرائیل بۆ ئەوەی خەڵکی ئیسرائیل و جیهان بزانێت کە ئێمە لەگەڵ ئیسرائیل وەستاوین. ئێمە دەمانەوێت دڵنیابینەوە لەوەی ئیسرائیل ئەوەی پێویستیی پێیەتی بۆ وەڵامدانەوەی حەماس هەیەتی. حەماس کردەوەی دڕەندانەی لە ئیسرائیل ئەنجام داوە, دڵگران و تووڕەبووم لەبارەی ئەو تەقینەوەی شەوی رابردوو لە نەخۆشخانەی مەعمەدانی و وادیارە کە لایەنی دیکە لە پشت ڕووداوەكەیە نەک ئیسڕائیل.
