ماشەڵڵا کەرەمی، باوکی محەممەدمەهدی (کۆمار) کەرەمی، یەکێک لە شەهیدانی بزووتنەوەی ژن، ژیان، ئازادی، ماوەی زیاتر لە ٤٥ ڕۆژە لە گرتووخانەی ئیتلاعاتی سپای ترۆریستی پاسداران لە ژووری تاكەكەسیدا ڕاگیراوە.
ناوبراو لە ٣١ی گەلاوێژی ١٤٠٢ لەلایەن هێزە سەرکوتکەرەکانی دەسەڵات گیراوە و بەند کراوەو ئێستاش چارەنووسی ناڕوونە، ماشەڵڵا كەرەمی لە مافی چاوپێكەوتن لەگەڵ خانەوادەكەی و دەسڕاگەیشتن بە پارێزەر بێبەش كراوە.
محەممەدمەهدی (کۆمار) کەرمی، خەڵکی شاری بیجاڕ و تەمەن ٢١ ساڵ، لەگەڵ محەممەد حوسێنی، بە تۆمەتك کوشتی ڕوحوڵڵا عەجەمیان، ئەندامی بەسیج، سزای لەسێدارەدانیان بەسەر سەپا و ڕۆژی ١٧ی بەفرانباری ١٤٠١ لەسێدارە دران.
