سەر لەبەیانی یەکشەممە ٢٧ی خەزەڵوەی ٢٧٢٤ (١٧ی نۆڤەمبەری ٢٠٢٤)، سزای سێدارەی ڕەحیم فەقیری، تەمەن ٣٤ ساڵ و خەڵکی سەڵماس و باوکی سێ منداڵ و هەروەها پەرویز بەراهوویی، خەڵکی زاهیدان لە بەندیخانەی ناوەندیی بیرجەند، جێبەجێ کرا.
بە گوێرەی سەرچاوەیەکی ئاگاداری نزیک لە خانەوادەی ڕەحیم فەقیری، ناوبراو ساڵی ڕابردوو بە تۆمەتی پەیوەندیدار بە مادە هۆشبەرەکانەوە دەستبەسەر و لە کۆتاییدا سزای سێدارەی بەسەردا سەپێندرابوو.
هەروەها، پەرویز بەراهوویی دوو ساڵ پێش بە تۆمەتی پەیوەندیدار بە مادە هۆشبەرەکانەوە لە بیرجەند گیراو دواتر سزای سێدارەی بەسەردا سەپێندرابوو.
هەواڵی لەسێدارەدانی ئەم بەندکراوانە تا کاتی داڕشتنی ئەم هەواڵە، لە میدیا حکوومەتییەکان بە تایبەت میدیا نزیکەکانی سەر بە دەزگای بەناو دادوەری بڵاو نەکراوەتەوە.
