دۆناڵد ترامپ ده‌ستی به‌دانانی وه‌زیرو به‌رپرسه‌كانی كردووه‌و ئاماده‌كاریی ده‌كات، میدیاكانیش باس له‌وه ده‌كه‌ن، ترامپ كه‌سێكی دژه ئێرانی و چینی بۆ وه‌زیری ده‌ره‌وه‌ی حكومه‌ته‌كه‌ی ده‌ستنیشانكردوه.
ئه‌و كه‌سه‌ی پاڵێوراوه بۆ ئه‌و پۆسته گرنگه، ماركۆ ڕۆبیۆیه‌و هه‌ندێك میدیا باس له‌وه‌ده‌كه‌ن، خۆی بۆ ئه‌و پۆسته ڕه‌زامه‌ندیی ده‌ربڕیوه.
ئه‌و له دژبه‌ره سه‌ره‌كییه‌كانی ڕێككه‌وتنی ئه‌تۆمیى نێوان ئێران و وڵاتانی پێنج كۆ یه‌ك بوو، چه‌ندجارێكیش ئاماژه‌ی به‌وه‌كردوه، بۆ ئه‌وه‌ی ئێران ده‌ستی به‌چه‌كی مه‌ترسیدار نه‌گات، پێویسته بكرێته ئامانجی هێرشی سه‌ربازیی.
مارکۆ ڕۆبیۆ کە پێشتر سیناتۆر بوو، لەکاتی ڕیفراندۆمی هەرێمی کوردستان وتی:"ئێستا کاتی سەربەخۆیی کوردستانە"، ئێستا ڕۆبیۆ کاندیدی ترامپە بۆ وەزیری دەرەوەی ئەمریکا.
