تەقی ڕەحمانی، هاوسەری نێرگس محەممەدی، لە کەناڵی تێلێگرامی خۆیدا ڕایگەیاندووە کە براوەی خەڵاتی نۆبڵی ئاشتی بۆ نەخۆشخانەیەکی دەرەوەی زیندان گوازراوەتەوە.
ناوبراو ڕایگەیاند کە هاوسەرەکەی دوای دواکەوتنی نزیکەی ٩ هەفتە، بە پاڵپشتی چالاکانی مەدەنی و لەژێر فشاری کۆمەڵگەی نێودەوڵەتی و میدیاکان گواسترایەوە بۆ نەخۆشخانە.
ئەم دواکەوتنە درێژخایەنە و چەندین ساڵ زیندانیکردن زیانی گەورەی بە تەندروستیی نێرگیس گەیاندووە و ئێستا پێویستیی بە ماوەیەکی جددی چارەسەر و چاودێریی پزیشکی هەیە.
تەقی ڕەحمانی هەروەها پێداگری لەوە کردەوە کە داوای ئازادکردنی بێ مەرجی نێرگس محەمەدی و دەستڕاگەیشتن بە خزمەتگوزاری پزیشکی بە تەواوی دەکات، چونکە بە سادەیی گواستنەوەی بۆ نەخۆشخانە ناتوانێت ئەو کێشانە چارەسەر بکات کە بەهۆی چەند مانگێک نەبوونی چارەسەر و بێبەشکردنی چارەسەرەکەیەوە دروست بووە.
