هاونیشتمانیانی ستەملێكراوی كوردستان!
خەباتكارانی ڕێگەی ئازادیی لە ئێران و کوردستان !
دوو ساڵ بەسەر جینایەتی گەشتی ئیرشادی ڕژیم و شەهید کردنی ژینا ئەمینی و سەرهەڵدانی شۆڕشی بەرفراوان و تێكڕایی گەلی كورد و گەلانی ئێران تێدەپەڕێت.
شۆڕشێك كە چەخماخەکەی لە کوردستان لێدراو هەر زوو بڵێسەی ئاگری ئەو چەخماخەیە هەموو شارو شارۆچکەکانی ٸێران و دەرەوەی وڵاتی گرتەوە.
شۆڕشی ژینا تێچووی گیانی و دارایی گەلێك بەرچاوی بە دواوەو بوو، بە خۆێنی دەیان ڕۆڵەی كوردو زیندانی و شكەنجەو قوربانی دانی كچان و كوڕانی قارەمان و نەبەز، دەسەڵاتی ئاخوندەكانی هێنایە لەرزەو تا ئێستا كە یادی دووهەمین ساڵڕۆژی ئەو شۆڕشە بەرز ڕادەگرین ڕاپەڕین و ناڕەزایەتی جەماوەریی بە شێوەی جیا جیا لە سەرانسەری ئێران دا درێژەی هەیە.
شۆڕشی ژینا سەرەتاێكی نۆێ و تەواو جیاواز ناڕەزایەتیەكانی ڕابردووی خەڵکی ئازادیخوازی کوردستان و ئێران لە بەرانبەر سەركوت و چەوسانەوەی بەردەوام و شێوەی حوكمڕانی دیكتاتۆری بوو. جەماوەری قارەمان و تێكۆشەر،بە بەربەرەكانی كەم وێنەو تێكڕایی یان، كونەمشكیان لە دەسەڵاتدارانی دواكەوتوو كردە قەیسەری.
بەڵێ گەلی كورد و گەلانی ئێران هەر چۆن لە مانگەكانی سەرەتای دەسەڵاتداری خومەینی، دژایەتی خۆیان لەو حكومەت و دەسەڵاتە تاكڕەوە مەزهەبییە نیشان دا لە شۆڕشی ژینادا بە شێوەیەكی بەرفراوانتر و كەم وێنەتر لە بەرانبەر زوڵم و زۆری ئەو دەسەڵاتە داگیرکەر و دژە مرۆڤە، ڕاوەستان و بە خەباتی فرە ڕەهەند و بەربڵاو، بوونە هۆی بەلەرزەدا هێنانی پایەکانی ئەو دەسەڵاتە دیكتاتۆرە.
لێردا دەتوانین ٸاماژە بە چەند خاڵێکی ٸەرێنی ٸەو شۆرشە بدەین: 1.سەلماندنی ئەو ڕاستیە كە جەماوەری كوردستان و ئێران دەسەڵاتی ئاخوندیان ناوێ و بە هەموو شێوەیەك ئەو ڕژیمە بە نامۆ لە خۆیان دەزانن.
2.جارێكی دیكە دەركەوتەوە كە چەخماخەی شۆڕش و پێشڕەویەكەی، لە جەرگەی شارو دێ و گوندی كوردستان و کۆمەڵگەی زۆڵم لێکراوی كوردستان لێدەدرێ كە زیاترین ستەم و نابەرانبەریان لە گەڵ دەكرێ.
3. گشتگیر بوونی شۆڕشی ژیناو پەل كێشانی بۆ سەرانسەری ئێران و بەشداری تێكڕای چین و توێژەكانی ئێران،دەرخەری پێشكەوتوویی و جەماوەریی بوونی ئەو شۆڕشە مەزننەیە.
4. دەركەوت بەشداری و پێشڕەوی كچان و ژنان و ئافرەتان لە شۆرش دا، تا چەند دەتوانێ لە پەرەپێدانی جولانەوەی مافخوازانە و خەباتی تێكرایی دەروی بەرچاو وە كاریگەر بگێڕن.
5.شۆڕشی ژینا سەلماندی كە دەسەڵاتی ئاخوندەكان لەرزۆكەو تەنیا بە زۆری هێزو سەركوت و كوشتن توانیویانە درێژە بە حوکمرانی دیکتاتۆرانەی بدات.
6.سەرهەڵدانی شۆڕشی ژینا وەرچەرخانێکی گەورەی مێژوویی بوو كە تیایدا چین و توێژەكانی كوردەواری بە خەباتی شێلگیرانەی ئازادیخوازی شۆڕشگێڕانە، لە پێناو دابین كردنی مافەكانیان، یەك دەنگ و یەك هەڵوێست تێكۆشان.
شایانی باسە کە ڕژیم لە بەرانبەر ویست و داخوازیەکانی گەلانی ئێران دەستی کرد بە سەرکوت و ئیعدام، شکەنجەو بەندکران،و بێ بەزەییانە دەستی دایە راوەدوونان و ٸێعدامی کوران و کچانی ٸازادیخواز، كە بە پێی هێندێک بەڵگەنامەی رێکخراوەکانی داکۆکیکار لە مافی مرۆڤ زیاتر لە ۱٥۰۰ کەس لەو شۆرشەدا شەهید و بە هەزاران کەس بریندار و کەم ٸەندام بوون.بەڵام سەرەرای ٸەوە كە زیاتر لە هەزاران کەس گیران و شکەنجە دران، و جینایەت و تاوانكاری و لەسێدارەدانی لاوانی كوردو ئێران تا بە ٸەمرۆش درێژەی هەیە
كەس و كاری سەربەرزی شەهیدان!
زیندانیانی سیاسی خۆڕاگر!
خەڵکی بەشەرەفی کوردستان و ٸێران!
هەرچەند تا ئێستاش ڕژیمی دەسەڵاتداری دیكتاتۆر بەردەوامە لە سەپاندنی حوكمی ناڕەوای بە سەر گەلانی ئێراندا، بەڵام خەبات و تیكۆشان و گیان فیدایی و نەبەزی ئێوە ژنان و پیاوان و لاوانی قارەمان و بەردەوامیدان بە شۆڕشی ژینا، لە ئاكامدا كۆتایی بەو گشتە زوڵم و ستەمانە دێنێ.
وەك ئاشكرایە فشارەکان لەناوخۆودەرەوەی وڵات بۆ سەر چالاکانی سیاسی و خەڵکی تێکۆشەر زۆرتر بوەو ڕژیم لەڕێگەی دەست و پەیوەندەکانی فشاری زۆری خستۆتە سەر سازمان و حیزب و جەریانە سیاسیەکانی دژ بە دەسەڵات و هەوڵ دەدا چالاكی و خەباتی سیاسی لە دەرەوەی ووڵات لاواز بكات. بەڵام ٸەم کارەی دەسەڵات دەرخەری ٸەو راستییەیە کە سازمان و حیزبە سیاسیەكان هەڵقوڵاوی ناو کۆمەڵگەن و لە لایەن خەڵکی کوردستانەوە پشتیوانیان لێ دەکرێت و هەر کاتێک حیزبەکانی کوردستانی ٸێران بە یەک دەنگی و هاوهەڵوێستی داواێکیان لە خەڵک کردووە بە باشترین شێوە بە دەنگ داواکاریەکەیانەوە هاتوون.
ئێمە ڕایدەگەێنین ئەو فشارانە نەیتوانیوەو ناتوانێ ئیرادەی خەباتکاران لە ڕیزەكانی سازمانی خەبات لاواز بکات و هەستی ئازادیخوازی لەناخی تێکۆشەرانی ڕێگەی ڕزگاری نەتەوەو نیشتمان دابمرکێنی.
بە دڵنیاییەوە خەبات و بەرخودان، تا گەیشتن بە ئازادی یەکجاری و گەیشتن بە ئامانجی پیرۆزی خۆمان لەسەر ٸەم رێگا پیرۆزە درێژەی دەبێ.
هاونیشتمانیانی بەڕێز!
سازمانی خەبات ی کوردستانی ئێران، لەدووهەم ساڵیادی شەهیدکرانی ژینا ئەمینی و سەرهەڵدانی شۆڕشی ژن، ژیان، ئازادی، داوا لە هەموو چین و توێژەکانی خەڵکی کوردستان دەکات کە بەمانگرتنی گشتی، داخستنی دوکان و بازاڕ، یان بە هەر شێوەێک کە بۆیان دەکرێت لە ڕۆژی یەکشەممە ۲۵ی خەرمانانی ۱۴۰۳ ناو و یادی ٸازیزی شەهیدان و کەمٸەندامانی ٸەو شۆرشە بەرز رابگرن و لەگەل کەسوکاری سەربەرزیان پەیمان نوێی بکەنەوە کە تا رووخانی یەکجاری ٸەو رژیمە، دەست لە خەبات و شۆرش هەڵناگرن و هاودڵی و هاوسۆزییان لەگەڵ خەباتکاران و شۆڕشگێڕانی ماندوویی نەناس و خۆنەویست لە ڕیزەکانی شۆڕش دژ بە داگیرکەری دڵ پڕ لەقین هەڵناگرن.
.
سەرکەوێ خەباتی ئازادیخوازی دژ بە دیکتاتۆری ئاخوندی ئێران
سازمانی خەبات ی کوردستانی ئێران
کومیتەی ناوەندی
22 ی خەرمانانی 1403 كۆچی خۆری
