ڕۆژی یەکشەممە ١٨ی خەرمانان پێنج بەندکراوی سیاسیی ژن پاش بانگکرانیان لەلایەن دادسەرای ئەمنییەتیی بەندیخانەی ئێڤینەوە، لەم دادسەرایە ئامادە نەبوون.
ماڵپەڕی ئینستاگرامی نەرگس محەممەدی چالاکی مافی مرۆڤ و بەندکراو لە بەندیخانەی ئێڤین بڵاوی کردووەتەوە کە ڕێکەوتی ١٧ی خەرمانان نووسینگەی بەندی ژنانی ئەو بەندیخانە لە بانگێشتنامەیەکدا هاوکات لەگەڵ ناوبراو، پەخشان عەزیزی، وریشە مورادی، پەریوەش موسلێمی و مەحبووبە ڕەزایی بەمەبەستی ڕوونکردنەوەی تۆمەتە وەپاڵدراوەکانیان بۆ دادسەرای ئەمنییەتی بەندیخانەکە بانگ کراون. لەم نووسراوەدا هاتووە کە هەر پێنج بەندکراوەکە ڕۆژی یەکشەممە ١٨ی خەرمانان نەچوونەتە دادسەرا.
