یەک شەممە 9ی ڕەزبەری 1402ی هەتاوی، کاناڵی تێلێگرامی ڕووداوەکانی زانکۆی ئەمیر کەبیر کە ڕاستی وڕووداوەکانی ئەم زانکۆیە بڵاو دەکاتەوە، ڕایگەیاند کە کەمتر لە یەک حەفتە لە کرانەوەی زانکۆکان، نزیک بە 3کەس لە خوێندکارانی کچ و 9 خوێندکاری کوڕی ئەم زانکۆیە چوونە ژوورەوەیان بۆ ئەم زانکۆیە لێ قەدەغە کراوە.
ناوی ئەو خوێندکارە کچانەی کە چوونە ژوورەویان لێ قەدەغە کراوە بریتین لە، مەدینە چراغی لە قوتابخانەی ڕیازی، سپیدە شەعبانی لە قوتازخانەی نەساجی و ئایناز سبوحی لە قوتابخانەی کانگاکان ڕاگەیەندراوە.
هەروەها لەم ڕاپۆرتەدا هاتووە کە، 3خوێندکاری کوڕی ئەم زانکۆیە بەناوەکانی، عەلی ڕەزا برادەران شرکا، ئارمین جەلالی و ئەمیر حسەین عەسگەری لە ڕۆژانی ڕابردوو لەلایەن هێزە بەناو ئەمنیەکان بەند کراون.
بەگوێرەی ئەم ڕاپۆرتە، جوێ لە پرۆفایلی خوێندکاران، بەشی ئاسایشی زانکۆکان وێنەی کەسی و پرۆفایلی خوێندکارەکان دەداتە هێزە بەناو ئەمنییەکانی ناو زانکۆکان بۆ ئەوەی خوێندکارەکان باشتر بناسرێنەوە.
هەروەها ئەم کەناڵە تێلێگرامە چەند ڕۆژێک لەمەوبەر سەبارەت بە دانانی دەروازەی پەڕینەوە و دانانی کامێرای ئەمنی بۆ پێداچوونەوە و ناسینەوەی ڕووخساری خوێندکارانی ئەم زانکۆیە و چەند زانکۆیەکی تری ڕاگەیاند، لەوانە زانکۆی تەکنەلۆژیا، شەریف و زانکۆی شیراز.
