شەوی ڕابردوو لە دوای سێ ڕۆژ بەردەوامی ناڕەزایەتیی خەڵکی بڵواناوا سەر بە دێولان بە هۆی هاتووچۆی ئۆتۆمبێلی بارهەڵگری تایبەت بە کانگا و تێکدانی ڕێگاوبانەکان هێزە ئەمنییەکان و یەکەی تایبەت چەندین هاووڵاتییان گرتووە.
بە پێی ئەم راپۆرتە،چەندین هاووڵاتی خەڵکی بڵواناوا بە ناوەکانی جەمیل محەممەدی، شادمان محەممەدی مامۆستای فیزیا، فواد محەممەدی ئەندامی شۆرای شار، محەمەد محەمەدی، مەیسەم حاجی مەجید وسەمیر محەممەدی، دوو کەسی دیکەی خەڵکی گوندی سرنجیانە کە هەردوویان ناسننامەیان ‘باقری’ ئاشکرا بووە، لەلایەن هێزە ئەمنییەکانەوە گیراون.
هەروەها، زیاتر لە ١٠ کەس لە هاووڵاتییانی ناڕازی لە ناڕەزایەتیی شەوی ڕابردوو، لەلایەن هێزە ئەمنییەکانی رژیمەوە دراونەتە بەر لێدان و بارودۆخی تەندروستی چەندین کەسیان ناجێگیرە.
شایەتحاڵان باس لەوە دەکەن شەوی ڕابردوو، قوتابخانەی بڵواناوا کراوەتە شوێنی مانەوەی هێزەکانی یەگانی تایبەت و بۆ ماوەیەکی نادیار لەوێ جێگیر کراون.
