بەپێی ڕاپۆرتی هەواڵدەریەکان ڕۆژی چوارشەممە ٢٤ی گەلاوێژ، پەخشان عەزیزی، بەندکراوی سیاسیی خەڵکی مەهاباد کە لەم دواییانەدا بە تۆمەتی بەغی سزای سێدارەی بەسەردا سەپێندرابوو و لە یەک ساڵ پێشترەوە لە بەندیخانەی ئێڤین لە بەنددا بووە، بە کردنەوەی دۆسیەیەکی دیکە لە لقی سێی لێپرسینەوەی زیندانی ئێڤین لەژێر ناوی "ئاژاوە لە بەندیخانە" لە پەیوەندی لەگەڵ بەڕێوەچوونی شانۆیی هەڵبژاردنەکانی سەرۆک کۆماریدا تۆمەتبار کراوە.
یەکێک لە کەسانی نزیک لەو بەندکراوە سیاسییە وێڕای پشتڕاستکردنەوەی ئەم هەواڵە، وتوویەتی کە: "لە ڕێکەوتی ١٥ی پووشپەڕ و لەگەڵ قۆناغی دووەمی شانۆیی هەڵبژاردنەکانی خولی سەرۆک کۆماری لە مافی پەیوەندیی تەلەفۆنی و چاوپێکەوتن بێبەش کراوە."
