بەپێی راپۆرتی سەرچاوەکانی هەواڵ، ڕۆژی سێشەممە ٩ی گەلاوێژ ١٤٠٣، هێزە سەرکوتکەرەکانی رژیم هەڵیانکوتایە سەر ماڵی سۆران کەریمی تەمەن ٤١ ساڵ کە باوکی دوو منداڵە، و بەبێ هیچ بەڵگەنامەیەکی دادوەری گرتویانەو بۆ شوێنێکی نادیار گواستوویانەتەوە.
لە نەغەدە، رۆژی ١١ی گەلاوێژی ١٤٠٣ هاووڵاتییەکی تەمەن ٤٠ ساڵی خەڵکی، بە ناوی "ڕێبوار (ڕەزا) یاسەمەنی"، دوابەدوای هێرشی هێزە سەرکوتکەرەکانی رژیم بۆ سەر ماڵەکەی، بە شێوەی توندوتیژانە گیراوەو بۆ شوێنێکی نادیار ڕاگوێزرا.
هەندێک لە ڕاپۆرتەکان ئاماژە بەوە دەکەن کە هاووڵاتییەک بە ناوی یوسف زیایی تەمەن ٤٤ ساڵ و باوکی دوو منداڵ و دانیشتووی شاری ورمێ لەلایەن بەکرێگیراوانی ئیدارەی ئیتلاعاتی ترۆریستی رژیم لە شاری ورمێ گیراوە.
تاهەتا ئێستا هیچ زانیارییەک لەبارەی هۆی گرتن و تۆمەتەكان و شوێنی ڕاگیرانی ئەم کەسانە، زانیاریەکی ورد لەبەردەستدا نییە
