پاش تێپەڕبوونی دوو حەفتە لە هەڵوەشاندنەوەی حوکمی دەرکراو بۆ تووماج ساڵحی هونەرمەندی ناڕازی و بەندکراو لە بەندیخانەی ئێسفەهان، دەزگا ئەمنییەکانی رژێمی ئێران هەوڵ دەدەن ماوەی بەندکرانەکەی درێژ بکەنەوە. ماڵپەڕی ئیکسی ئەم هونەرمەندە لە پۆستێکدا ڕۆژی ١٦ی پووشپەڕ ڕایگەیاندووە کە وێڕای تێپەڕبوونی دوو حەفتە لە هەڵوەشاندنەوەی حوکمەکە، بەرپرسانی بێدادگای بە ناو ئینقلابی ئێسفەهان بەئامانجی درێژکردنەوەی ماوەی بەندکرانی ستەمکارانەی تووماج، لە ناردنی دۆسییەکە بۆ لقێکی دیکە و دیاریکردنی چارەنووسەکەی خۆ دەبوێرێت. پێشتر پارێزەرانی تووماج ڕایانگەیاندبوو کە دیوانی باڵای رژیم جگە لە هەڵوەشاندنەوەی سزای لەسێدارەدانی تووماج، سزای بەندکرانی شەش ساڵ و سێ مانگی سەر ئەم هونەرمەندەیشی زیادە زانیوە و لایبردووە.
