کۆڵبەرێکی کورد لە لایەن هێزە سەرکوتگەرەکانی هەنگی مەرزیەوە لێی دراو پاشان بە شێوەی راستەوخۆ تەقەی لێ کراوە. بە پێی راپۆرتی هەواڵدەرییەکان، رۆژی شەممە نۆی پووشپەر، کۆلبەرێکی کوردی خەڵکی شاری بانە بە ناوی شێرزاد چاوشینی، ۳٤ سالەیان گرتووە و دوای دزینی موبایلەکەی و بری ۱۲۳۰ دولار پارەی، لێیان داوە و دواتر دوای بەردانی لە پشتەوە بە چەکی ساچمەیی تەقەیان لێ کردووە.
لە هەواڵێکیتردا کۆلبەرێکی کورد خەڵکی شاری مەریوان لە لایەن بەکرێگیراوانی رژیم لە سنوورەکانی تەتە سووکایەتی پێکراوە و لێی درا.بەپێی ڕاپۆرتی هەواڵدەری کۆڵبەرنیوز، شەوی هەینی٨ی پووشپەڕی١٤٠٣، کۆڵبەرێک. بە ناوی ”ئومید مورادی” تەمەن ٤٠ ساڵ، خێزاندار و خاوەنی منداڵێک لەلایەن هێزە سەرکوتگەرەکانی هەنگی مەرزی لێدرا و هێرشی کرایە سەر. جێگەی باسە هێزەکانی مەرزی بە ”باتۆم” هێرشیان کردۆتە سەر ئەم کۆڵبەرە.
