ماردین زاهدی
حەمید نووری یەکێک لە جینایەتکارترین مۆرە بەکرێگیراوەکانی رژیمی ئاخوندی ئێرانە کە هەر لە دەستپێکی بە دەسەڵات گەیشتنی ئەو رژیمە دژە مرۆڤەوە، بەشدار بوە لە جینایەت و کۆمەڵکوژیەکانی و یەکێک بوە لە ئەندامانی هەیئەتی مەرگ کە لە دەیەی ٦٠ دا، زیاتر لە ٣٠ هەزار بەندکراوی سیاسیان بێبەزەییانە لە سێدارە دا. ئەم مۆرە جینایەتکارەی رژیم لە هاواڵێکی دڵخۆشکەردا لە پاش سەردانێک بۆ وڵاتی سوئید، گیراو پاش بەدواداچوونی خانەوادەی زیندانیانی سیاسی لەسێدارەدراو کە زۆربەیان ئەندامانی شورای میللی موقاومەت بوون، بە هۆی جینایەت دژ بە مرۆڤایەتی، مەحکەمەو سزای هەتاهاتایی بۆ دەرچوو کە ئەو سزایە بوە هۆی تەسکینی دڵی بەشێک لە خانەوادەکانی قوربانیانی ئەو جینایەتانە. پاش دەرچوونی ئەو سزا بەرحەقە، دەسەڵاتدارانی ڕژیمی ئێران زۆریان هەوڵ دا تا بتوانن ئەو بەکرێگیراوە تاوانبارە ئازاد بکەن و نەهێڵن دەمی ئەو جینایەتکارە بە بەرمەڵا کردنی تاوانەکانی ڕژیم بکرێتەوەو تەنانەت داواکاری ڕژیمی ئێران بۆ ئاڵووگۆڕی بەندکراوانی دوو وڵات ڕاگیراو وا دیاری کرا کە جێبەجێ نەبێ.
بەڵام زۆری نەخایاند و ئەمڕۆ هەواڵی جێبەجێ کرانی بابەتی گۆرینی ئەم جینایەتکارە لەگەڵ بەندکراوێکی خەڵکی سوئید و ناردنەوەی حەمید نووری بۆ لای ئەربابە دیکتاتۆر و جینایەتکارەکانی، بڵاو کرایەوە. رەنگە لە باری دیپلۆماسیەوە هەندێک کەس باسی ئەوە بکەن کە حکومەتی سوئید هاووڵاتیەکەی خۆی بۆ گرنگترەو ئەو کارە لە بەرژەوەندی وڵاتەکەی دا کردووە. بەڵام لە راستی دا رژیمی ئێران، بەبارمتە گرتنی ئەو کەسانەی کردۆتە چەکێک بۆ ئەخازی و باج سەندن لە وڵاتانی ئوروپایی و ئەگەر پێش بە سەرەڕۆیەکانی ئەو دەسەڵاتە نەگیرگێت، بە دڵنیاییەوە سەفەر کردن بۆ وڵاتی ئێران ئەوەندەی تر بێ متمانە و مەترسیدار دەبێ و جەسارەت و سەرەڕۆیی ئەو حکومەتە زۆرتر دەکات. لە لایەکی دیکەوە پێویستە خەڵک لە ناوخۆ و دەرەوەی وڵات دژ بە ئەم بڕیارە نابەجێیە هەڵوێست بگرن و نەهێڵن چیتر حکومەت و وڵاتەکان رێگەخۆشکەر بن بۆ سەرەڕۆییەکان و سەرهەرزیەکانی ئەو رژیمە دژە مرۆڤە. مانەوی رژیمی ئێران لە دەسەڵات دا مەترسی بۆ هەموو جیهان هەیەو ئەو رژیمە ئاژاوەچیە، کردەوەی ترۆریستی لە هەموو شوێنێکی ئەو جیهانەدا کە ڕێگەی بکەنەوە، پەرە پێی ئەدات. خانەوادەی ئەو زیندانی سیاسیانەو هەموو ئازادیخوازان لەم ماوەیەدا تا رادەیەک دڵخۆش بوون بە مردنی رەئیسی جەلاد، کە یەکێکی تر لە ئەندامانی هەیئەتی مەرگ بوو، ئەگەرچی ئێستەش هیوادارین بە زووترین کات حەمید نووری و هەموو ئەو جینایەتکارانە کە رووداوی فڕۆکەو هیلیکۆپتەر تەفروتونا بن، بەڵام بە دڵنیایەوە هەتا رژیمی ئاخوندی ئێران هەناسە بدات، ناوچەکەو جیهانیش ڕەنگی خۆشی نابینێ. دوور نیە کە یەکەم کردەوی ترۆریسی دەرەوەی وڵاتی رژیم لە سوئید دا برێت و بەو جۆرە دەستخۆشی لەم کردەوەی حکومەتی سوئید بکەن.
نەرمی نوادن بە هەر جۆر و حاڵەتێک لەگەڵ ڕژیمی ئێران، تەنیا ئامرازێکە بۆ پەرەپێیدانی ترۆریزمی نیودەوڵەتی و هیوادارین چیتر وڵاتانی پێشکەوتنخواز و خاوەن دیمۆکراسی، ئەم هەڵەی حکومەتی سوئید دووبارە نەکەنەو، کە وا نەبێ، تەنیا دووکەڵی بەچاوی خۆیان دا دەڕوات.
