ڕۆژی دووشەممە ١٤ی جۆزەردان١٤٠٣، لە ئەنجامی تەقەی ڕاستەوخۆی هێزە تروریستە چەکدارەکانی رژیمی ئێران جێگیر لە سنووری ساوجی مەریوان لە دەستەیەک لە کۆڵبەران، کۆڵبەرێکی تەمەن ٤٤ ساڵ بە ناوی موزەفەر ئەسەدرۆخ بە سەختی بریندار کراوە.
بەوتەی سەرچاوە ئاگادارەکان، موزەفەر ئەسەدرۆخ لە بەشی پێ بە سەختی بریندار بووە و بۆ نەخۆشخانەی فەجری مەریوان گواستراوەتەوە و ئێستا لەژێر چاودێری پزیشکیدایە.
موزەفەر ئەسەدرۆخ خەڵکی گوندی "چاوگ" سەر بە شاری مەریوان، خێزاندار و باوکی دوو منداڵە.
