ئێوارەی پێنجشەممە ١٠ی جۆزەردانی ١٤٠٣، هەتاو ئەکرەمی، هاووڵاتیی تەمەن ٤٢ ساڵی خەڵکی تیکاب لە گوندی "ئینگیجە"ی سەر بە شاری بۆکان لە ئەنجامی هەڵکوتانی هێزەکانی ئیتلاعاتی سپای تروریستی پاسداران بۆ سەر ماڵی دایک و بابی گیراوە.
بەوتەی سەرچاوەیەکی ئاگادار و نزیک لە خانەوادەی ئەکرەمی، نزیک بە بیست کەس لە هێزەکانی ئیتلاعاتی سپای تروریستی پاسداران لە شاری بۆکان هەڵیانکوتاوەتە سەر ماڵی دایک و باوکی هەتاو ئەکرەمی و لەگەڵ بەکارهێنانی توندوتیژی گرتوییانە.
هەروەها، ئەو بەکرێگیراوە سەرکوتکەرانە، پاش گرتنی ئەو هاووڵاتییە، ماڵی دایک و باوکیان بەتەواوی پشکنیوە.
هەتاو ئەکرەمی، ئامۆزای مێهران ئەکرەمییە كە لە ڕەوتی بزووتنەوەی "ژن
ژیان ئازادی" لە شاری سەقز گیراو و لەژێر شکەنجەی بەكرێگیراواندا شەهید کرا.
