لە ماوەی چەند ڕۆژی ڕابردوودا، چوار هاووڵاتیی کورد بە ناوەکانی عوسمان دڵسۆز تەمەن ٦٤ ساڵ، ئاکام خزرزادە تەمەن ٢٦ ساڵ، هەژار دڵسۆز تەمەن ٢٨ ساڵ و سلێمان سالک تەمەن ٧١ ساڵ لە لایەن لقی ١٠٢ی دەزگای گەندەڵی قەزایی رژیم لە پیرانشار بە کۆی گشتی ١٦ ساڵ (١٩٢ مانگ) زیندانی ناڕەوا سزا دراون.
بە پێی ڕاپۆرتی سەرچاوە ئاگادارەکان، ئەم چوار هاووڵاتییە بە تۆمەتی ساختەی "ئەندامبوون لە یەکێک لە حیزبە کوردییەکانی دژبەری رژیم ئاخوندی ئێران، حوکمی زیندانیان بەسەردا سەپاوە.
بە پێی ئەم ڕاپۆرتە، سلێمان سالک بە ١٠ ساڵ زیندان، عوسمان دڵسۆز بە ٢ ساڵ زیندان، هەژار دڵسۆز بە ٢ ساڵ زیندان، ئاکام خزرزادە ٢ ساڵ زیندانی نارەوا بەسەریاندا سەپاوە.
