ڕۆژی هەینی ۲۲خاکەلێوەی۱٤٠۳ی هەتاوی ڕێورەسمی ١٣هەمین ساڵیادی دامەزراندنی ڕێکخراوی لاوانی خەبات لە بارەگای ناوەندی سازمانی خەبات ی کوردستانی ئێران بەڕێوەچوو.
سەرەتای بەرنامەکە، لیژنەی ئامادەکاری بەخێرهاتنی بەشدارانیان کرد و بە دەقەیەک بێدەنگی بۆ یادی شەهیدانی سوورخەڵاتی ڕێگەی ئازادی و بە تایبەت شەهیدانی سازمانی خەبات ی کوردستانی ئێران و سرودی نەتەوەیی ئەی ڕەقیب دەستی پێ کرد.
لە بڕگەی یەکەمی بەرنامەکە، كاك بابەشێخ حوسەینی سكرتێری گشتی سازمانی خەبات ، بەم بۆنەیەوە پەیامی پێشکەش بە ئامادە بوان کرد.
لە برگەی دووهەمی بەرنامەکەدا،پەیامی ڕێکخراوی لاوان لە لایەن کاک کەریم بابەکری،ئەندامی دەستەی بەڕێوەبەری ڕێکخراوی لاوان پێشکەش بە ئامادەبوان کرا.
لە بڕگەی سێهەمی بەرنامەکەدا هۆنراوە شێعرێکی جەنابی مامۆستا سەید جەلالی حوسەینی لە لایەن کاک ماردین زاهدی پێشکەش کرا.
لە بڕگەی چوارەمی بەرنامەکە پەیامی ڕێکخراوی ئافرەتان لە لایەن خاتوو ڕێزان شەهیدی پەناە ئەندامی دەستەی بەڕێوەبەری ڕێکخراوی ئافرەتانی خەبات ی کوردستانی ئێران پێشکەش کرا.
لە درێژەدا، بە شایی و هەڵپەڕکێ ، کۆتایی بە ڕێوڕەسمی ١٣هەمین ساڵیادی دامەزرانی ڕێکخراوی لاوانی خەبات ی کوردستانی ئێران هات.
