وەزیری دەرەوەی ئەمریکا لە ڕیازی ناوەندی وڵاتی عەرەبستان پاش دیدار لەگەڵ بێن سەلمان ڕایگەیاند کە ئەمریکا لە قۆناغەکانی کۆتایی ڕێککەوتنی ئەمنی لەگەڵ سعوودیە نزیکبووەتەوە و ئەگەر سعوودیە پەیوەندییەکانی لەگەڵ ئیسرائیل ئاسایی بکاتەوە، ئەوا ئەم ڕێککەوتنە ئەمنییە بە سعودیە پێشنیار دەکرێت.
بلینکن ڕایگەیاند کە بڕیار بوو لە پاییزی ساڵی ڕابردوودا گەشت بۆ سعوودیە و ئیسرائیل بکات بۆ ئەوەی سەرنجی لەسەر ڕێککەوتنی ئاساییکردنەوەی پەیوەندییەکانی نێوان سعوودیە و ئیسرائیل بێت. بەڵام ئەم سەفەرە بەهۆی هێرشی تاقمی ترۆریستی حەماس بۆ سەر ئیسرائیل دواخرا.
ئەم ڕێکەوتنە کە ڕێگە خۆشکەرە بۆ ئاسایی کردنی پەیوەندیەکانی عەرەبستان و ئیسرائیل، بە توندی لەلایەن دەسەڵاتدارانی ڕژیمی ئاخوندی ئێران و میلیشیا ترۆریستیەکانی سەر بەو ڕژیمە دژایەتی دەکرێت و هەندێک لە لایەنە سیاسی و وڵاتەکان هەڵگیرسانی شەڕ و هێرشی حەماس بۆ سەر ئیسرائیل بۆ پێشگرتن لەو ڕەوتە ناو دەبەن.
