بەپێی وتەی سەرچاوەیەكی نزیك لە خانەوادەی ڕەزا ڕەسایی، زیندانی سیاسی کە سزای ناڕەوای لەسێدارەدان بەسەری دا سەپاوە، لە چەند ڕۆژی داهاتوودا مەترسی لەسێدارەدانی ڕەزا ڕەسایی زیادی كردووە.
بەپێی حوکمی بێدادگای باڵای ڕژیم، ڕەزا ڕەسایی بە کوشتنی نادر بەیرامی بەرپرسی ئیدارەی ئیتلاعاتی ترۆریستی ڕژیم لە شاری سەحنە سەر بە پارێزگای کرماشان تۆمەتبار کراوە.
بەکرێگیراوی ڕژیم بەناوی نادر بەیرامی لە ٢٧ی خەزەڵوەری ساڵی ١٤٠١، لە ڕەوتی بزووتنەوەی "ژن، ژیان، ئازادی" لە شاری سەحنە و لە ئەنجامی توندوتیژی و ڕەفتاری دڕندانە لەگەڵ جەماوەردا و بە هۆی هێرشی هێزەکانی ئیتلاعات و پۆلیس بۆ سەر خۆپیشاندەران، لە ململانێیەکدا لە نێوان هاووڵاتییان و هێزە سەرکوتكەرەكانی ڕژیم كوژرا.
