کەناڵی هەواڵی ئەمریکایی "سی ئێن ئێن" ڕۆژی شەممە ١ی بانەمەڕ بڵاویکردەوە، ئەنجومەنی نوێنەرانی ئەمریکا پلانێکی پەسەند کردووە کە ڕێگە بە حکومەتی ئەمریکا دەدات سزا بخاتەسەر ئەو بەندەر و پاڵاوگانەدا کە نەوتی ڕژیمی ئێران وەردەگرن.
بەپێی ڕاپورتی ئەم کەناڵە هەواڵییە، ئەم پلانەی کە کۆنگرەی ئەمریکا پەسەندی کردووە، دەست بەسەر موڵک و ماڵی بلۆککراوی ڕوسیە لە ئەمریکادا دەگیرێت و ڕادەستی ئۆکرانی دەکات.
هەر لەو پێوەندییەدا جۆ بایدن سەرۆکی ئەمریکا پێشوازی لە پەسەندکردنی پلانی دارایی بۆ ئۆکراین و ئیسرائیل و تایوان لە کۆنگرەی ئەمەریکا کرد.
کەناڵی "سپۆنتیک"ی ڕووسی لە زاری دیمیتری پێسکۆڤ، وتەبێژی کۆشکی کرێملینەوە بڵاویکردەوە، لە وەڵامی پەسەندکردنی ئەم پلانەدا، ویلایەتە یەکگرتووەکانی ئەمریکای بە بەرپرسیار زانی لە "دەستبەسەرداگرتنی سەروەت و سامانی ڕووسیه.
پێسکۆڤ ئاماژەی بەوەشکرد، دەستبەسەرداگرتنی موڵک و ماڵی ڕوسیە نەک تەنها وێنەی ئەمریکا لەکەدار دەکات، بەڵکو بەرهەمهێنەرانیش لە وڵاتەکە دەترسێنێت.
لە بەرانبەردا وتەبێژی کرێملین ڕایگەیاند کە بەستەی پشتیوانی یارمەتییە داراییەکانی ئەمریکا بۆ ئۆکراین لە ئەم وڵاتە دەکاتە وێرانەیەکی زیاتر و ژمارەی کوژراوەکان زیادتر دەکات.
