بەپێی ڕاپۆرتی سەرچاوە هەواڵیەکان، ڕژیم بە فشار و هەڕەشه کردن له قوتابییان بە غەڕامه و بێبەشکردنی مامۆستایان له دامەزراندنی فەرمی له ئەگەری ڕەچاو نەكردنی حیجابی زۆری، هەوڵی سەرکوتی زیاتر خەڵک بە حیجابی زۆری دەدات.
پاش ڕاگەیاندنی پلانی حکوومەتی توندتر کرانی ڕێساکانی حیجابی زۆری لە ژێر ناوی پرۆژەی "نوور" کە لە ٢٥ی خاكەلێوەی ١٤٠٣ لە لایەن ڕژیمی ئیرانەوە لە سەرانسەری ئێران بەڕێەوە چوو، ڕاپۆرتەکان ئاماژە بەوە دەکەن کە وریایی بە خانەوادەی قوتابییان لە شاری سنە درا و هەڕەشەی غەرامە كردنیان و هەروەها بێبەش كردنی مامۆستایان لە دامەزراندنیان لە ئەگەری ڕەچاو نەكردنی حیجابی زۆری كراوە. هەر لەو پێوەندییەدا بە بیانوی ڕەچاو نەکردنی حیجابی زۆری ،کتێبخانەی "ژیرا" لە شاری سنە و ژمارەیەک لە بنكە و کۆمەڵگەی بازرگانی لەوان کۆمەڵگەی "بانتا" داخران.
