لە درێژەی سەرکوتی دڕندانەی ژنان لە لەلایەن ڕژیم بە توندتر کردنی ڕیساکانی حیجابی زۆری، فشاری هێزە سەرکوتکەر و بەناو ئەمنییەکانی زانکۆی کوردستان لە شاری سنە لەسەر کچە خوێندکارەکانی ئەم زانکۆیە لەژێر ناوی ئەوەی پێی دەوترێت "جلوبەرگی شیاوی خوێندکاران"، زۆر زیادی کردووە.
ئەم سەرکوتە لە ماوەی چەند ڕۆژی ڕابردوودا لەلایەن بەکرێگیراوەکانی حەراستی ڕژیم لەو زانکۆیە بۆ کۆنترۆڵکردنی جلوبەرگی کچە خوێندکارەکانی زانکۆی کوردستانی سنە توندتر بووەتەوە و تەنانەت کۆمەڵێکی زۆر لە خوێندکارانی ئەم زانکۆیە ڕووبەڕووی چەندین جار ئاگادارکردنەوە و هەڕەشە بوونەتەوە.
بەگوێرەی زانیاریی سەرچاوە ئاگادارەکان، کۆمەڵێک لەو خوێندکارانە هەڕەشەی دەستبەسەرداگرتنی کارتی خوێندکاری و دەستپێڕانەگەیشن بە کەرەستە و کەلوپەلی پێویستی خوێندن لێیان کراوە و تەنانەت بەهۆی ئەوەی لە خەوتنگەش کە لە ڕووی ڕەگەزیشەوە شوێنێکی بەتەواوەتی جیا و تایبەت بە کچانە، بە بیانوی ڕەچاونەکردنی یاسای داسەپاوی حیجابی زۆری لەلایەن سەرپەرشتیاری خەوتنگەوە ئاگادار دەکرێنەوە و لە شوێنی پشووشدا دەستوەردان لە کاروباری تاکەکەسیی خوێندکاراندا دەکەن.
