فەرماندەیی ناوەندی نەتەوەیەکگرتووەکانی ئامریکا سێنتکام، ڕۆژی دوو شەممە 15ی خاکەلێوە ڕایگەیاند کە، هێزەکانی ئامریکا شەوی شەممە و سەرلەبەیانی یەک شەممە، زیاتر لە 80فڕۆکەی بێ فڕۆکەوان و 6مووشەکی بالستیک کە لەئێران و یەمەنەوە بەرەو ئیسرائیل هەڵدرابوو خستووەتە خوارەوە.
لە پەیامێکدا کە سێنتکام لەم پێوەندییەدا بڵاوی کردووەتەوە، باس لەوە کراوە کە پێش هەڵدانی مووشەکێکی بالیستی و 7 فڕۆکەی بێفڕۆکەوان لە ناوچەکانی ژێر دەسەڵاتی حوسییەکانی یەمەن لەناوبراون.
فەرماندەیی ناوەندی ئامریکا ڕایگەیاند کە هێزەکانی ئامریکا هێشتا ئامادەن لە بەرامبەر ئەو هێرشانەی کە بە پشتیوانی ڕژیمی ئێران ئەنجام دەدرێن، پشتیوانی لە ئیرائیل بکەن. سێنتکام ڕایگەیاندووە: ئێمە بۆ بەرز کردنەوەی ئاستی ئاسایش لەناوچەکەدا بەردەوام دەبین لە کارکردن لەگەڵ هەموو هاوبەشەکانمان لە ڕۆژهەڵاتی ناوەڕاست. بە دەنگدانەوەی قسەکانی نوێنەری ئامریکا لە کۆبوونەوەی بەپەلەی ئەنجوومەنی ئاسایش، نووسیویەتی؛
جێگری باڵیۆزی ئامەریکا لە نەتەوە یەکگرتووەکان دەڵێت: ئەو کارە بێشەرمانانەی ڕژیم نەک تەنیا بۆ گەلی ئیسرائیل، بەڵکو هەڕەشەیە بۆ سەر وڵاتانی دیکەی ئەندامی نەتەوە یەکگرتووەکان لە ناوچەکە، لەوانەش ئوردن و عێراق.
ئەرکی ئەنجوومەنی ئاسایشە کە نەهێڵێت ئاژاوەگێڕیەکانی ڕژیمی ئێران بێ وەڵام بمێنێتەوە.
