بەپێی ڕاپۆرتی سەرچاوە هەواڵیەکان، ڕۆژی هەینی ٢٤ی خاکەلێوەی ١٤٠٣، سەلمان ئولفەتی، تەمەن ٦٠ ساڵ و مامۆستای پێشووی زانستە کۆمەڵایەتییەکان لە قۆناغی ناوەندیی قوتابخانەکانی گیلانغەرب، لەلایەن هێزە سەرکوتکەرەکانی ئیتلاعاتی ترۆریستی سپای پاسداران گیراوە.
بەگوێرەی زانیاریەکان، بەکرێگیراوەکانی ئیتلاعاتی ڕژیم لە یەکێک لە شەقامەکانی شاری گیلانغەرب، پاش ڕاگرتنی ئۆتۆمبێلەکەی سەلمان ئولفەتی، ناوبراویان گرتووە و بۆ شوێنێکی نادیار ڕایانگواستوو.
شایانی باسە کە بەکرێگیراوانی ڕژیم ماڵ و ئۆتومبیلی ناوبراویان بەتەواوی پشکنیوە و پاشان سویچ و ئۆتۆمبێلەکەیان ڕادەستی خانەوادەکەی کردووە.
