ڕۆژی چوارشەممە 15ی خاکەلێوەی 1402ی هەتاوی،فەرەج ئەرسەن لەلایەن هێزەکانی ئیدارەی ترۆریستی ئیتلاعاتی سپای پاسدارانەوە لە شاری مەلەکشای سەر بە پارێزگای ئیلام بە هێرش کردنە سەر ماڵەکەی گیراوە.
بەپێی سەرچاوەكانی هەواڵ، فەرەج ئەرسەن لە پەیوەندی بە ڕێوڕەسمەکانی نەورۆز لە چەند ڕۆژی ڕابردوودا کە سەرەڕای هەڕەشەی ناوەندە سەرکوتکەرەکانی ڕژیم لە چەندین شوێنی جیاوازی ئیلام بەڕێوەچووە وەک مەلەکشای، کارەزان و هۆلیلان گیراوە.
شایەنی باسە کە هەتا ئێستا هیچ زانیارییەکی ورد لەسەر چارەنووس و شوێنی مانەوەی فەرەج ئەرسەن لەبەر دەستدا نییە.
