هێزە جینایەتکارەکانی ڕژیم لە سنووری نەوسوود تەقەیان لە ژمارەیەک کۆڵبەر کردووە کە بووە هۆی بریندار کردنی 20کۆڵبەری خەڵکی شارەکانی، داڵاهۆ، سەروئاوا،مەریوان، پاوە، جوانڕۆ و سەلاسی باوەجانی. هەروەها دەستیان بەسەر کەل و پەلی ئەم کۆڵبەراندا گرتووە.
بەپێی سەرچاوە هەواڵیەکان، شەوی شەممە هێزە سەرکوتکەرەکانی ڕژیم جێگیر لە سنوری نەوسوود لە پارێزگای کرماشان، بەچەکی ساچمەیی تەقەیان لە ژمارەیەک کۆڵبەر کردووە کە لانیکەم 20کۆڵبەر لە ناوچەی سک، پشت، سەر دەست و لاقیان بەسەختی بریندار کراون و بۆ چارەسەری گوازراونەتەوە بۆ ناوەنده دەرمانیەکان.
ناسناوی کۆڵبەرە بریندارکراوەکان بریتین لە:
محەممەد مورادی، بێهنام خوسرەوی، حەسەن بەهرامی ئەحسەن حوسێنی، تۆفێق ئەحمەدی خەڵکی جوانڕۆ، موبین کەرەمی، میلاد ڕوستایی، فەرزاد ڕۆستەمی و ئەمیر ڕەحمانی خەڵکی داڵاهۆ، ئارمان ڕەحمانی، مەحموود و مێهدی خەڵکی مەریوان، فواد فەیزی و یەحیا نووری خەڵکی سەروئاوا و مەیسەم ڕۆستەمی خەڵکی پاوە.
