لە درێژەی گرتن و سەرکوتی هاووڵاتیانی کورد لە شارەکانی کوردستان و ئێران، ڕۆژی 26ی ڕێبەندان ئاکۆ محەممەدنیا، تەمەن 35 ساڵ، خاوەنی دوو منداڵ و خەڵکی شاری سنە، لە یەکێک لە بازگەکانی شەقامی فەیزئاوا لە شاری سنە لەلایەن هێزە سەرکوتکەرو بەناو ئەمنیەکانی ڕژیمەوە گیراوەو هەتا ئێستاش چارەنوسی نادیارە.
هەروەها هەر لەو پەیوەندییەدا مێهران ڕەحیمی، هونەرمەندی کوردی خەڵکی قووچان لە پارێزگای خۆراسانی باکوور، بەهۆی گۆرانییەکانی کە باس لە پشتیوانی لە فەرهەنگ و زمانی کوردی دەکات، پاش چەند جار هەڕەشە و فشاری ناوەندە سەرکوتکەرو بەناو ئەمنییەتییەکانی ڕژیم، بڕیاری گیرانی بۆ دەرکراوە و چەند جارێک بە مەبەستی گیرانی ئەم هونەرمەندە هەڵیانکوتاوەتەسەر ماڵەکەی.
