ڕۆژی دووشەممە ڕێکەوتی ٢٠ی خەرمانان، شێرزاد قادری، خەڵکی مەریوان و وەرزشوانی بواری ڕوئینگ و ئەندامی تیمی ڕوئینگی ئێران، لە کێبڕکێی نێونەتەوەیی ڕووسیە، توانی پلەی یەکەم بەدەست بهێنێ و میداڵی زێڕ بۆ خۆی مسۆگەر بکا.
ئەم کێبڕکێیە بە ئامادەبوونی وەرزشوانانێک لە وڵاتانی ئۆزبەکستان، ئێران، قەزاقستان، چین، کوبا، سربستان، ڕوسیە و بێلاڕووس بەڕێوە چوو.
شێرزاد قادری تا ئێستا لە چەندین کێبڕکێ لە ئاستی ئێران و جیهاندا بەشداریی کردووە و خاوەن چەندین پلەی قارەمانییە.
