زۆرێک لە ناوەندەکانی ڕژیم بۆ ڕازی کردنی خەڵک بۆ بەشداریکردن لە ڕێوڕەسمی گاڵتەجاڕی دەنگدانی ئەم دەسەڵاتە لە 11ی ڕەشەممە، ڕێوشوێنی جۆراوجۆریان گرتۆتەبەر، لەوانە بەڵێندان بە دابەشکردنی نوقوڵ و شیرینی بەسەر دەنگدەراندا تا هەڕەشەکردن لە کارمەندەکانیان.
ڕژیمی ئاخوندی کە ڕووبەڕووی شەپۆلێکی ڕق و کینەی گشتی و بێبایەخ کردنی هەڵبژاردنە ساختەکەی بووەتەوە، هەوڵ دەدات وا نیشان بدات کە هێشتا پشتیوانی بەشێک لە خەڵکی ئێرانی هەیە، بە نیشاندانی بوونی جەستەیی خەڵک لە ناوچەکانی دەنگدان بەهیوایە بەهەر شێوەیەک بێت، وا دەری بخات کە ئێستاش بەشێکی زۆری خەڵکی لەپشته و لەم ڕێگەوە کە هەرچەند بە فێڵ و تەڵەکەش بێت دەیەوێت دەسەڵاتی خۆی بەڕووی جیهاندا بداتەوە.
ئاشکرایە کە بەشداریکردن لە شوێنەکانی دەنگدانی ڕژیم لە11ی ڕەشەممە یارمەتی ڕژیمی تاوانکاری خامنەیی و خیانەت لە ئێران و ئێرانییەکانە.
