محەممەد یوسفی، مێرمنداڵێکی تەمەن ۱۷ساڵ و خەڵکی شاری جوانڕۆ، لە ۹ ڕۆژ پێش ئێستا،گوایە بەهۆی دۆڕانی تیمی تۆپی پێی ڕژیمی ئێران لە بەرانبەر تیمی ووڵاتی قەتەر، خۆشحاڵی دەربڕیوە، گیراوە و هەتا ئێستا هیچ هەواڵێک لەچارەنووسی ناوبراو لەبەردەست دانیە.
بەپێی سەرچاوە هەواڵیەکان، ڕۆژی چوار شەممە ۱۸ی ڕێبەندانی ۱۴۰۲ی هەتاوی محەممەد یوسفی مێرمنداڵێکی تەمەن ۱۷ساڵ و خەڵکی شاری جوانڕۆ، لەلایەن هێزە سەرکوتکەرەکانی ئەم شارە گیراوە.
جێی باسە کە لەدوای ۹ ڕۆژ گیرانی ئەم مێرمنداڵە، هەتا ئێستا هیج هەواڵێک لە شوێن و دۆخی ڕاگیرانی ئەم منداڵە لەبەردەست دانیە و هەوڵی خانەوادەکەشی بۆ زانینی چارەنووسی کوڕەکەیان بێ ئاکام ماوەتەوە.
بەپێی سارچاوە خۆجێی و چەندین سەرچاوەیی هەواڵی دیکە هەر لەو پەیوەنددەدا چەندین منداڵ و مێر منداڵی دیکەش لەگەڵ محەممەد لەلایەن هێزە سەرکوتکەر و ئەمنیەکانی ڕژیم گیراون کە ناسناوی ئەو چەند کەسە هەتا ئێستا نەزانراوە.
