بەپێی ڕاپۆرتی کوردستان میدیا، ڕۆژی یەکشەممە، ٢٢ی ڕێبەندانی ئەمساڵ، ڕژیم بە مەبەستی زۆر نیشاندانی ڕێژەی بەشداربوان لە ڕێپێوانی حکومەتی ئەم ڕۆژەدا، جیا لە هەڕەشە و گوڕەشە لە قوتابییان و مامۆستایان و کارمەندەکانی ئیدارەکان بۆ بەشداری زۆری لەم ڕێپێوانە، بە فشار و زۆر، بەندکراوانیشی ناچار بە بەشداری لەم ڕێپێوانەدا کردووە.
ڕۆژی یەکشەممە لە ٤٥ ساڵەی سەرکەوتنی شۆڕشی گەلانی ئێران و بەتاڵانبردنی دەسکەوتەکانی ئەم شۆڕشە لەلایەن ڕژیمی ئاخوندی ئێرانەوە، مەحموودی، دادستانی شاری پیرانشار فەرمانی داوە تاکوو ئەو بەندکراوانەی کە بە پێبەندی ئێلێکترۆنییەوە ئازاد کراون یان ئەوانەی کە لە مەرەخەسیدان بە زۆر ڕاکێشی ڕێپێوانی حکومەتی ٢٢ی ڕێبەندان بکرێن.
بەپێی زانیارییەکان، دادستانی پیرانشار فەرمانی داوە کە ئەم کەسانە ئاڵای ڕژیمیان بەدەستەوە بێت و لەم رێپێوانەدا بەشدار بن.
