ڕۆژی سێشەممە ٢٤ی ڕێبەندان، هاووڵاتییەکی کورد بە ناوی "کاوە چووپانی"، تەمەن ٣٨ ساڵ و خەڵکی دیواندەرە لەلایەن هێزە سەرکوتکەرە و بەناو ئەمنییەکانی ڕژیمیەوە گیراوە و بۆ شوێنێکی نادیار ڕاگوێزراوە.
بە وتەی سەرچاوەیەکی ئاگادار، سەعات ١٠:٠٠ی سەرلەبەیانی ڕۆژی سێشەممە، ئەم هاووڵاتییە لە کاتی گەیشتن بە شوێنی کارەکەی لەلایەن ٥ كەس لە هێزە بەکرێگیراوەکانی ئیتلاعاتی ڕژیم بەبێ فەرمانی دادگا گیراوە.
شایانی باسە کە هەتا ئێستا هیچ زانیارییەک لەبارەی هۆی گرتن و تۆمەتەکانی ناوبراو لەبەردەستدا نییە.
