حەوت کەس لە گیراوەکانی سەقز، بە ناوەکانی "هیوا جەهانی" تەمەن ٤٠ ساڵ، "شێركۆ (خالید) حیجازی" تەمەن ٤٠ ساڵ، "هیوا تاتائی" تەمەن ٤٨ ساڵ، "سەفا عائیلی" تەمەن ٢٧ ساڵ، "محەممەدئازاد ئەمینی" تەمەن ٥٢ ساڵ ، "سەمیرا ئەحمەدی" تەمەن ٣٢ ساڵ و "ئومێد موقەدەس" تەمەن ٤٤ ساڵ، لەلایەن بێدادگای بەناو ئینقلابی ڕژیم لە سەقزەوە زیندانیکردن، غەرامە و سزای تەواوکەر بەسەریاندا سەپاوە.
ئەم سزا ناڕەوایانە ڕۆژی شەممە ٢١ی ڕێبەندان بەو حەوت هاووڵاتییە ڕاگەیەندراوە و لە ماوەی بیست ڕۆژدا دەتوانن لە بێدادگاکانی تێهەڵچوونەوەی ڕژیم لە پارێزگای سنە داوای پێداچوونە بکەن.
