تێکۆشان
ڕۆژنامه‌ و میدیایه‌کی ئه‌له‌کترۆنیه‌.
       

پەیامی سازمانی خەبات بە بۆنەی ٢٢ی رێبەندان، ساڵرۆژی سەرکەوتنی شۆڕشی گەلانی ئێران

پەیامی سازمانی خەبات بە بۆنەی ٢٢ی رێبەندان، ساڵرۆژی سەرکەوتنی شۆڕشی گەلانی ئێران
دەنگی خەباتی کوردستان

هاونیشتمانیانی خۆڕاگر
خەڵکی بەشەرەف و ئازادی خوازی کوردستان!

۲۲ی ڕێبەندان یەکێک لە گەورە ترین ڕووداوە مێژووییەکانی گەلانی ئێرانە و ئەم ڕۆژە بۆ هەموو نەتەوەکانی ئێران بۆتە ڕۆژێکی
لەبیرنەکراوەو مەزن. لە ۲۲ی ڕێبەندانی ساڵی ،١٣٥٧ خەباتی مافخوازانەی گەلانی ئێران دژی دەسەڵاتی خۆسەپێن و دیکتاتۆری پاشایەتی سەرکەوت و گەلانی ڕاپەڕیوی ئێران لەو ڕۆژەدا تاج و تەختی شای دیکتاتۆریان،تێکڕووخاند. ئەو شۆڕشە بە هۆی بەردەوامی جینایەتی دەسەڵاتی پاشایەتی و پەرەسەندنی ناڕەزایەتییە
جەماوەریەکانی گەلانی ئێران لە چەند دەیە دەسەڵاتی دیكتاتۆریی بوو، کە بە درێژایی مێژووە گەلانی ئێران ژێر فشاری لە ڕادەبەدەری
دەسەڵاتدارانی حكومەتەكانی ڕەزا شاو حەمەڕەزا شا بوون و هیچ داهاتوویەکی ڕوون یان بۆ خۆیان و ووڵاتیش نەدەدیت . لە ڕاستیدا
ماوەیەکی زۆر بوو کە خەڵکی ئێران و شۆڕشگێرانی ڕێگەئازادی، دەستیان بە هەڵگیرساندنی شۆڕش کردبوو ودەیان کەس لەو ڕێگایەدا شەهید کران و هەزاران کەسی تریش کەوتنە بەندیخانە و لە ژێر شکەنجەی تاقەتپڕوکێنی جینایەتکارانی ساواکدا خۆڕاگریان کرد و بە گیانبازی قارەمانەكان و خۆڕاگریی زیندانیانی سیاسی بڵێسەی ئاگری ئەم
شۆڕشەیان داگیرسا. شۆڕش و خەبات ی گەڵانی ئێران، بەدرێژایی مێژوو هەروەها شۆڕشی ۲۲ی ڕێبەندانی ساڵی ١٣٥٧ی كۆچی خۆری بۆ
ئەو ئامانجە بووه، کە ئازادی و مافی یەکسانی و دیموکراسی و دادپەروەری لە ووڵاتدا ڕەچاو بکرێ و دەسەڵاتی زاڵمان و دیکتاتۆران کۆتایی پێی بێت و خەڵک بگەنە ئازادیی. لەم شۆڕش و ڕاپەڕینە
سەرتاسەری و جەماوریەدا، گەلی کورد لە کوردستانی ئێران، بەوپەڕی فیداکاری و خۆڕاگریەوە بەشداریی کرد و لە پێناو بە ئاکام گەیشتنی ئەم ڕاپەڕینە پیرۆز و مەزنەدا بە گیان و ماڵ و فیداكاری دەوری سەرەکی و بەرچاو لە سەرکەوتنی ئەم شۆڕشەدا گێڕا. گەلی کورد و ڕۆڵە
خەباتگێڕەکانی بە مەبەستی ڕزگاری یەکجاری و گەیشتن بە ماف و ئازادیە نەتەوایەتی و نیشتمانیەکان یان، لە هیچ ئەرکێکی پێویست خۆیان نەبوارد و بە ئۆمێدی ئەوە بوون لە دوای ڕوخانی دەسەڵاتی شا، کورد بە مافەكانی بگا و شان بەشانی گەلانی دیکەی ئێران لە ئاوەدان کردنەوە و پێشکەوتن و پێگەیشتنی نەتەوە و نیشتمانە داگیرکراوەکەی، بەرەو ئاسۆی ڕوناکی و ڕزگاری یەکجاریی لەگەڵ تێکڕای گەلانی ئێران،
بەبەختەوەری بگات، بەڵام بەداخەوە خۆمەینی جینایەتکار بەرهەمی شۆڕشی ڕەوای گەلانی ئێرانی بەتاڵان برد و بە درۆ و فریوكاری، خۆی
بەسەر شۆڕشی ئازادیخوازانە و دێمۆکراتیکی خەڵکدا سەپاند. خومەینی و ئاخوندە جینایتكارەكانی دیكە، هەر لە یەکەم ڕۆژەكانی سەرەتای هاتنە سەر دەسەڵات، دڕندانەتر، خوێنڕێژتر و بێ بەزەییتر لە ڕژیم و
دەسەڵاتی شا، کەوتنە گیان و ماڵی خەڵکی ئێران و دڕندانە ستەم و چەوسانەوەی جەماوریی ئێران یان دەست پێی كرد.
!گەلانی ستەم لێکراوی ئێران
!هاونیشتمانیانی تێکۆشەری كوردستان
ئەمساڵ لە کاتێک دا دەچینە ناو ٤٥ هەمین ساڵیادی ۲۲ی ڕێبەندان، کە کردوە ترۆریستیەکانی ڕژیمی ئاخوندی و ئیعدام و شکەنجە و گرتن
و زیندانی کردنی تێكۆشەران چین و توێژەکانی گەلانی ئێران لە دوایی شۆڕشی ژینا دوو بەرابر بووە و ڕژیم بە هەموو هێز و توانایی دەستی
داوەتە سەرکوت و ئێعدامی لاوای تێكۆشەر و بەدڕندانەترین شێوه گەلانی ئێران و کوردستان دەچەوسێنێتەوه. سەرەڕای تاوانكاریی و
جینایەتكاریەكانی ڕژیمی ئاخوندی خەڵکی ئێران بە گشتیی و خەڵکی کوردستان بە تایبەتی بە سەركوت و کوشتار و ئێعدام، چۆکیان
بۆ ڕژیمی ئاخوندی دانەداو بەخەباتی ئازادیخوازی و ناڕەزایەتیەكان ڕوویی ڕاستەقینەی ئەم ڕژیمە خوێنمژەیان بۆ هەموو جیهان دەرخست.
سازمانی خەبات ی کوردستانی ئێران وێڕای دەستخۆشی و پێزانین لە بەرەنگاربوونەوە و خۆڕاگریی بەردەوامی خەڵکی ئێران و کوردستان لە بەرانبەر ڕژیمی ئاخوندی، لە سەر ئەوە پێداگری دەکاتەوە کە شۆڕشی٥٧ی گەلانی ئێران بە ئەنجامی ڕاستەقینەی خۆی کە وەدیهاتنی ئازادی
و دێمۆکراسییە نەگەیشتووە و شۆڕش لە بەرانبەر دیکتاتۆریی تا ڕووخانی دەسەڵاتە دژە مرۆڤ و دامەزراندنی حکومەتێکی دیموکراتیک بەردەوام دەمێنێتەوە.

پیرۆز بێ ۲۲ ی ڕێبەندان ٤٥هەمین ساڵڕۆژی سەركەوتنی شۆڕی گەلانی دژ بە دەسەڵاتی دیكتاتۆری شا،

مەرگ و نەمان بۆ ڕژیمی دیکتاتۆری

سەرکەوێ خەباتی مافخوازانەی گەلانی ئێران

سازمانی خەبات ی کوردستانی ئێران
۲۲ی ڕێبەندانی ١٤٠۲ی كۆچی خۆری

14 ڕۆژ و 19 کاتژمێر و 29 خوله‌ک له‌مه‌وپێش‌

پەیامی سازمانی خەبات بە بۆنەی ٢٢ی رێبەندان، ساڵرۆژی سەرکەوتنی شۆڕشی گەلانی ئێران

پەیامی سازمانی خەبات بە بۆنەی ٢٢ی رێبەندان، ساڵرۆژی سەرکەوتنی شۆڕشی گەلانی ئێران

به‌سته‌ره‌ گرنگه‌کان


به‌‌‌سته‌‌‌ره‌‌‌ گرنگه‌‌‌کان lلێره‌‌‌ بنووسه

تێکۆشان


ناونیشان...



ناونیشانی
ناونیشانی
ناونیشانی
ناونیشانی