بەداخەوە ڕۆژی چوارشەممە ١٨ی ڕێبەندانی ۱۴۰۲، مەلا شێخ عوسمان خالیدی، تێكۆشەری دێرین و شۆڕشگێڕی جوڵانەوەی مافخوازی خەڵكی شاری مەریوانی كوردستانی ئێران، لە شاری ئۆپسالای وڵاتی سوئێد كۆچی دوایی كرد.
حاجی مامۆستا شێخ عوسمان یەكێك لە دۆستانی سازمانی خەبات ی كوردستانی ئێران و ڕێبەری كۆچ كردومان مامۆستا شێخ جەلال حوسەینی و ڕێبەڕایەتی سازمانی خەبات بوو. خوالێخۆشبوو مامۆستا شێخ عوسمان لە دەورانی دەسەڵاتی ڕژیمی شاهەنشایی لە پێناو ئازادیی و ڕزگاری تێكۆشا و لە پاش هاتنە سەر دەسەلاتی ئاخوندەكان لە ئێراندا،لە دژی ئەو دەسەڵاتە دیكتاتۆرە چەكی پێشمەرگەیی لەشان كردو لە چەندین شەڕو ڕوبەڕوبونەوە لە بەرانبەر هێزە داگیركەرەكانی دەسەڵاتی ئاخوندەكان دا قارەمانانە جەنگی كرد.
كومیتەی ناوەندی سازمانی خەبات بەبۆنەی كۆچی دوایی مامۆستا شێخ عوسمان، سەرەخۆشی و هاوبەشی خەم و پەژارەی بە خانەوادەی بەڕێزی مامۆستا شێخ عوسمان و خەڵكی ناوچەی مەریوان بە تایبەت و كوردستان بەگشتی ڕادەگەێنێ.
