logo تێکۆشان TEKOSHAN NET

٣٠ی خــاكـــەلـێوە یادی ٣٨ ساڵەی دەرچوونی یەكەم ژمارەی تێكۆشان پیرۆزبێ

خەڵكی تێكۆشەری كوردستان! ئەندامان و دۆستانی سازمانی خەبات!

٣٨ ساڵ لەمەوبەر لە هەل و مەرجێكی دژوار و سەختی خەبات و خۆراگری لە بەرانبەر دەسەڵاتدارانی ئاخوندی تێكۆشەرانی ڕێزەكانی سازمانی خەبات بە هەست كردن بە گرینگی و بایەخی بلاوكراوە و چاپەمەنی و بواری ڕاگەیاندن بیریان لە دەركردنی بلاوكراوەێك كردووە تا لەو ڕێگەیەوە بتوانن پەردە لەسەر سیاسەتە چەپەڵەكانی دەسەڵاتی ئاخوندی لابدەن و لەرێگەی بابەتی جۆراوجۆر ئەدەبیات و زمانی كوردی و هەستی نەتەوەیی و فكری سیاسی لەناو كۆمەڵانی خەڵك پەرە پێ بدەن و سیاسەت و چالاكیەكانی سازمانی خەبات بگوازنەوە بۆ ناو خەڵكی تامەزرۆی ڕزگاری و ئازادی و شۆڕشی ڕەوا لە بەرانبەر دەسەڵاتی دیکتاتۆری ئاخوندی لە ئێران.
بە هەست كردن بەو زەرورەتیانە لە كۆتاییەكانی مانگی خاكەلێوەی 1363ی كۆچی خۆری بەهەوڵ و تێكۆشانی ڕێبەرایەتی و دڵسۆزانی سازمانی خەبات, مانگنامەی تێكۆشان لە گوندی سەرا و لە بناری كێوی گمۆ لەهەل و مەرجێكی دژوار و سەخت چاپ كراو و بەناو كۆمەڵانی خەڵكی كوردستان بڵاو كرایەوە.
بڵاوكراوەی تێكۆشان بە شەونخوونی و دڵسۆزی تێكۆشەرانی ڕیزەكانی سازمانی خەبات بە بابەتی و زانیاریی سەرەنج ڕاكێش لە كات و ساتی خۆی ئەبوویە هاورێی پێشمەرگەکان و دێ بە دێ و شار بە شار لە ناو كۆمەڵانی خەڵك بڵاودەكرانەوە و تامەزرۆیی نیشتمانپەروەرانی ناوخۆش ئەوەندەی تر دەبوویە هاندەر و پاڵپشت بۆ بەردەوام بوونی دەركردنی تێكۆشان, لەو هەل و مەرجە حەستەم و ناخۆشدا کە هێزە چەکدارە جینایەتکارەکانی دەسەڵاتی ئێران لە شارو گوندەکانی کوردستان دروستیان کردبوو.
تێکۆشان بە زەحمەت و هەوڵی هەموو ئەو تاكانەی لە بەشەجۆراوجۆرەكان كاریان ئەكرد و لەپاش گەیاندنی بە دەستی خەڵك بە كاریگەرییە بەرچاوەكانی لە سەر ورە و ئیرادە و باوەڕی خەڵك دەهاتە بەرهەم و لەو كەشە كپكراوەی سەركووت و ئازادییەكانی خەڵك ، تێكۆشان بووە چراێكی ڕووناككەرەوەی رێگەی حەقیقەت و تێكۆشانی شۆڕشگێرانە.
هەرچەند بە هۆی گۆڕانكارییەكان ئامرازەكانی ڕاگەیاندن گۆڕدران و لەئێستا دا ئینتەرنێت و ماهوارە دەوری سەرەكی لە ژیانی مرۆڤایەتی دەگێڕن، بەڵام بڵاوكراوەی وەك كتێب و رۆژنامە و گۆڤار هێشتاش بە هۆی تایبەمەندییەكانیان ڕكابەری ئامرازە بە هێزەكانی ئێستا دەكەن و خاوەن كاریگەری و جێ پەنجەی دیارن بەسەر تاكەكانی كۆمەڵگا و تێكۆشانیش بە خۆ رێخستن لەگەڵ پَشكەوتنەكانی سەردەم و سوشیال میدیا خۆی بەرۆژ كردۆتەوە و لە ڕێگەی ئینترنێت لەسەر ڕساڵەتی خۆی وەك ئامرازێكی پەرەپێدەری رۆشەنبیری و ئاگایی و زانیاریی بەردەوامە.
لە سی و هەشتەمین ساڵیادی دەرچوونی یەكەم ژمارەی تێكۆشان سڵاو دەنێرین بۆ ڕوحی پاكی جەنابی مامۆستا سەیید جەلال حوسێنی دامەزرێنەر و ڕێبەر و شاعیر و ئەدەیب و نووسەری بەتوانای گەلەكەمان و سڵاو لە ڕوحی هەموو ئەو شەهیدانەی جێ پەنجەیان لەسەر بڵاوكراوەی تێكۆشان دیارە و هەروەها ڕێز دەگرین لە سەرجەم ئەو نووسەر و قەلەم بەدەست و كادرە تەكنیكیانەی كە یارمەتی چاپ و بڵاوكردنەوەی تێكۆشانیان داوە.
پیرۆز بێ سی هەشتەمین ساڵیادی دەرچوونی تێكۆشان ئۆرگانی كومیتەی ناوەندی سازمانی خەبات ی كوردستانی ئێران
بڕوخێ رژیمی دیكتاتۆری ئاخوندی
سەركەوێ‌ خەبات ی ڕزگاریخوازانەی گەلی كورد لە كوردستانی ئێران

سازمانی خەبات ی كوردستانی ئێران
کومێتەی ناوەندی
30ی خاكەلێوەی 1401 کۆچی خۆری

photo
نووسه‌ر :
3 مانگ و 4 کاتژمێر و 30 خوله‌ک ، پێش بڵاوکراه‌وه‌ته‌وه‌
بەڕێوەچوونی ڕێوڕەسمی نەورۆز لە بنکەی سەرکردایەتی سازمانی خەبات

نووسه‌ر: ساسان هه‌ورامی
4 مانگ و 9 کاتژمێر و 12 خوله‌ک ، پێش بڵاوکراه‌وه‌ته‌وه‌

زیلینسکی داوای راگرتنی پەیوەندییە بازرگانییەکانی رووسیا و ئەوروپا دەکات

نووسه‌ر: بێستون
4 مانگ و 12 کاتژمێر و 2 خوله‌ک ، پێش بڵاوکراه‌وه‌ته‌وه‌

بەرێوەچوونی رێورەسمی نەورۆز لەشارەکانی کوردستان

نووسه‌ر: بێستون
4 مانگ و 14 کاتژمێر و 11 خوله‌ک ، پێش بڵاوکراه‌وه‌ته‌وه‌

به‌سته‌ره‌ گرنگه‌کان


به‌سته‌ره‌ گرنگه‌کان lلێره‌ بنووسه

彡[تێکۆشان]彡


ناونیشان...



ناونیشانی
ناونیشانی
ناونیشانی
ناونیشانی